Ziberkontrola

Mundu digitalaren mehatxuetako bat sare sozialetan eta gailu mugikorretan bikoteko kide batek besteari egiten dion kontrol digitala da. Kontrola gure gizartean oso onartuta dagoen indarkeria modu bat da.

Hainbat ekintza, hala nola bikotekidearen elkarrizketa pribatuak berrikustea, sare sozialetan dituen kontuen pasahitzak eskatzea, mugikorrean zaintza-tresnak instalatzea, 24 orduetan telefonoari adi izateko eta mezuak berehalakoan erantzuteko eskatzea, non dagoen, norekin edo jantziko duen arroparen frogak eskatzea, horiek dira kontrol mota horren adibide batzuk.

Gainera, bikotearen bi norabideetan gertatzen da jazarpena. Tradizionalki alde maskulinotik femeninoaren kontra gertatzen ziren portaerak, orain maskulinotik femeninora, femeninotik maskulinora, maskulinotik maskulinora eta femeninotik femeninora gertatzen dira, bikote motaren arabera. Hau da, guztiek kontrolatzen dute bikotekidea. Hala, beti egon diren jarrerak protagonista bilakatzen dira, eta mundu digitalean onartuak dira

Mehatxu hori are larriagoa da bikote gazteenen artean, gehienek maitasuna kontrolarekin eta jeloskortasunarekin lotzen baitute.

Nola prebenitu ziberkontrola:

Babestu zure pribatutasuna - Denok dugu horretarako eskubidea, eta inork ez du, ezta zure bikotekideak ere, zure bizitzarako erabateko sarbidea izan behar.
Pasahitzak pribatuak dira - Ez eman pasahitzik bikotekideari, ezta eskatu ere. E-posta eta sare sozial pertsonalak eta pribatuak dira. Beste pertsonarekiko duzun maitasuna frogatzeko pasahitzak eskatzea xantaia modu bat da. maite bazaitu, zure espazioa utziko dizu.
Ez instalatu aplikazio espioirik eta zaindu bikotekideak gailuak edo kokapena kontrolatu ahal izateko aplikaziorik ez dezala instalatu. Instalatu antibirus bat zure telefonoan eta berrikusi noizean behin instalatuta dituzun aplikazioak.
Ez ezazue mendekotasun-harremanik sortu: Zure bikotekidea ez da zure esklaboa, ez eskatu 24 orduetan zure esanetara egotea, eta ez utzi zuri halakorik eskatzen ere. Mezu bat bidaltzen badiozu eta ez badizu laster erantzuten, ez da ezer gertatzen. Garrantzitsua bada, deitu.
Gorde ezazue zuen independentzia. Ez utzi bikotekideari zure ingurune hurbiletik urruntzen (lagunak, familia …), eta ez utzi esaten norekin hitz egin dezakezun edo norekin ez, nora joan zaitezkeen edo zer arropa jantzi dezakezun. Horrelako zerbait egiteko nahia sentitzen baduzu, segur aski zure segurtasun ezaren ondorio da. Eskatu ezazu laguntza, zure harremanak eta bikotekideak kaltetu ditzaketen kontrol jarrera indartsuagoak ez garatzeko.

Ziberkontrola

Nola prebenitu ziberkontrola:

Har ezazu ...-ren gaineko kontrola

Mendekotasuna

Sexting-a

Grooming-a

Jazarpena

Mehatxu gehiago