Sexting / Sextortsioa

Sexting-a eta sextortsioak Internet erabiltzaile guztiei eragiten diete, baita gazteenei ere. Buruhauste asko eman diezaguketen ekintzak dira, batez ere adingabeen kasuan.

Eduki sexuala duten mezuak edo ikus-entzunezkoak pertsona biren artean trukatzea da sexting-a. Sextortsioa sexu-esplotazio mota bat da, eta pertsona bati xantaia egiten zaio, bere irudi edo bideo bat erabiliz, horietan biluzik edo sexu-harremanak izaten agertzen delako; oro har, irudi horiek, aldez aurretik sexting bidez partekatuak izan dira. Zure senidekoei eta lagunei ez erakustearen truke, dirua eskatzen dizute, argazki intimo gehiago edo pornografia bideoak. Praktika oso arriskutsua da eta legez kanpokoa, bai adingabeen kasuan, bai ados ez dauden nagusien artean.

Behin material hori gure smartphone-etik irten ondoren, ez dugu horren gaineko kontrolik izango. Pertsona askori gertatu zaie euren argazki konprometituenak sarean agertzea. Bereziki arriskutsua da mota horretako materiala Interneten aurkitzen ditugun ezezagunekin partekatzen dugunean. Pertsona batzuek profil faltsuak sortzen dituzte sare sozialetan eta beste erabiltzaile batzuekin kontaktatzen hasten dira, eta argazki intimoak bidaltzen dizkiete ea biktimek mota horretako materialaren bitartez erantzuten dieten, xantaia egin ahal izateko.

Sextortsioa, ekintza nazkagarria izateaz gain, Zigor Kodean jasotako delitua ere bada.

Gogora ezazu: zure smartphone-etik irten ondoren, ez duzu eduki horien gaineko kontrolik izango.

Mobirise

Sextortsioa sexu-esplotazio mota bat da, eta zuri buruzko irudi edo bideo bat erabiltzen dute zuri xantaia egiteko

Ez ezazu hori onartu, har ezazu kontrola

NOLA PREBENITU SEXTING-A ETA SEXTORTSIOA

  1. Balioetsi ezazu zure intimitatea eta ez itzazu irudi eta bideo intimoak inorekin partekatu.
  2. Kontuz bikotekideekin, harremanak amaitu egiten baitira eta askotan, amaitzean, bikoteko kide batek edo besteak bere bikotekidea izandakoaren irudiak ditu eta zabaldu egiten ditu sare sozialetan. Mendeku-pornoa du izena ekintza horrek eta legez kanpokoa da.
  3. Ibil zaitez bereziki kontuz ezezagunen kasuan, ez dago jakiterik norekin hitz egiten ari garen Internetez, ez iezaiezu argazki intimorik bidali ezezagunei, nahiz eta egunak edo hilabeteak eman beraiekin hitz egiten.

TRESNAK ETA INFORMAZIO GEHIAGO

IS4K.es

ikusi

IKASGELETATIK KONTZIENTZIATZEN 


Vital Fundaziotik heziketa digitaleko programa abiarazi dugu, Arabako ikastetxeetara bideratua. ‘Har ezazu kontrola’ programari esker, ikasleek, euren familiek eta irakasleek saio bat jasoko dute, gaur egun sarean aurkitzen diren mehatxu nagusien gaineko informazioa izan dezaten. Mehatxu horiek prebenitzeko erak ezagutzeko eta egoerari buelta emateko erak ezagutzeko ere balioko du.

Har ezazu ...-ren gaineko kontrola

Mobirise

Indarkeria

Indarkeria bikotean, arlo digitaleko kontrolaren bitartez.

Mobirise

Sexting-a

Sexuarekin zerikusia duten mezuak edo edukiak trukatzea.

Mobirise

Grooming-a

Nagusiek adingabeenganako sexu-hurbilketa egitea.

Mobirise

Jazarpena

Jarraikako jazarpena sarearen bitartez.

Mobirise

Mehatxu gehiago

Gainesposizioa, hater-ak, troll-ak, lintxamendua, identitatea ordeztea, ospea, informazioa

© Copyright 2019 Fundación Vital Fundazioa