Online jokoa, smartphonak eta sare sozialak

Mobirise

'Har ezazu kontrola' programak hezkuntza digitaleko saio berriak egingo ditu familientzat. Oraingoan, smartphone-n, online jokoen eta sare sozialen erabileran jarriko da arreta, gailu horiek erabiltzeko adina jaisten ari dela antzeman ondoren.

Harrigarria da gaur egun Lehen Hezkuntzako 5. eta 6. mailako ia ikasgela guztietan ikasle askok smartphone-a, Instagram eta TikTok izatea eta 12 urtetik gorakoentzako edo 18 urtetik gorakoentzako jokoetan aritzea. Irakasleek ziurtatzen dute Lehen Hezkuntzako 3. mailan ere ikusten dituztela haurrak horrelako jolasak erabiltzen. Erabilera horri gehitzen zaio online jokoetako irainak eta mehatxuak gazte gehienek normaltzat jotzen dituztela, eta, batzuetan, ohikotzat jotzen dituzte joko bortitzak, helburu bakarra denak hiltzea eta bakarrik geratzea dutenak. Gero eta maizago egiten dira iruzurrak, eta Lehen Hezkuntzako 6. mailako eta DBHko 1. mailako ikasleek material pornografikoa jaso dutela onartzen dute. Gainera, konfinamenduan zehar, haur batzuk adin kontrolik gabeko serieak ikusten aritu direla egiazta daiteke.

Helburua honako hau da: familiak kontzientziatzea arriskutsua izan daitekeela gailu horiek haur oso txikiei oparitzea, gomendatutako adina 14 eta 16 urte bitartekoa dela, sare sozialak ere ez direla adingabeentzako lekuak (permisiboenak 13 urtetan ezartzen du erabiltzeko gutxieneko adina), eta erabiltzen dituzten jokoak gainbegiratu behar direla, batzuk sare sozialak baitira.

Era berean, haurrek teknologiaz egiten duten erabilera mugatzeko gurasoek egiten dituzten kontrol motak ezagutuko dituzte parte-hartzaileek; gurasoen kontrolerako aplikazio espezifikoak, smartphone, tablet eta ordenagailuen erabilera mugatzeko; bideokontsoletan, telebista adimendunetan, streaming zerbitzuetan, bilatzaileetan eta abarretan dauden kontrolak. Gainera, sare sozialak erabil ditzaketenentzat, horiek modu seguruagoan erabiltzeko zer egokitzapen mota egitea gomendatzen den irakatsiko da.

Har ezazu ...-ren gaineko kontrola

Mobirise

Mendekotasuna

Interneteren gehiegizko erabilera, eguneroko bizitza oztopatzen duena.

Mobirise

Sexting-a

Sexuarekin zerikusia duten mezuak edo edukiak trukatzea.

Mobirise

Grooming-a

Nagusiek adingabeenganako sexu-hurbilketa egitea.

Mobirise

Jazarpena

Jarraikako jazarpena sarearen bitartez.

Mobirise

Mehatxu gehiago

Gainesposizioa, hater-ak, troll-ak, lintxamendua, identitatea ordeztea, ospea, informazioa

© Copyright 2019 Fundación Vital Fundazioa