Indarkeria digitala

Mobirise

Komunikazioaren teknologiak aurrera egin ahala, indarkeria matxistak beste aldaera bat ere garatu du, Indarkeria Matxista Digitala izenekoa. Bide digitalen bidez (WhatsApp, sare sozialak, posta elektronikoa, etab.) bikotekidearen edo bikotekide ohiaren aurka modu iraunkorrean eta denboran behin eta berriz egindako eraso psikologiko guztiak izango lirateke. Indarkeria digital mota hori pairatzen duen pertsonak, gehienetan, ez daki nola babestu eta aurre egin jasaten ari den egoerari.

Adingabe askok ere jazarpen digitala jasaten dute egunero, eta kasuistika indarkeria matxista digitalarekin alderatuta desberdina bada ere, hura gauzatzeko erabiltzen diren tresnak eta ekintzak berberak dira.

Horregatik, indarkeria matxistaren biktimekin edo adingabeekin (gizarte-zerbitzuak, harrera-etxeak, laguntza-zerbitzuak, familia-hezitzaileak, polizia …) zuzenean edo zeharka lan egiten duten Arabako zerbitzu guztiak prestakuntza-saio batera etor daitezen gonbidatzen ditugu. Hartara, kolektibo horiekin zuzenean edo zeharka lan egiten duten pertsona guztiek jarraibide erraz eta eraginkorrak eskaini ahal izango dituzte beren egunerokoan, zerbitzu horien erabiltzaileek kontrola hauteman dezaten, jazarpen digitalari aurre egiteko, online munduan behar bezala babesteko eta, azken batean, euren bizitza digitala berreskuratzeko.

Kontrol digitala gure gizartean oso onartuta dagoen indarkeria modu bat dela uste dugu. Arazoa ikusarazteko eta irtenbideak eskaintzeko, bi orduko prestakuntza eratu dugu. Hasiera batean Arabako emakumeen elkarteen bidez zabalduko dugun prestakuntza honetan, bertaratzen direnek kontrola eta haren inguruko jarrerak hautematen ikasiko dute, baita hura saihesten eta sare sozialen bidezko indarkeria mota guztien aurka behar bezala babesten ere.

Hori guztia hizkera errazean, adibide praktikoen bidez eta jarraitzeko jarraibide sinpleen eta eraginkorren bidez.

Har ezazu ...-ren gaineko kontrola

Mobirise

Mendekotasuna

Interneteren gehiegizko erabilera, eguneroko bizitza oztopatzen duena.

Mobirise

Sexting-a

Sexuarekin zerikusia duten mezuak edo edukiak trukatzea.

Mobirise

Grooming-a

Nagusiek adingabeenganako sexu-hurbilketa egitea.

Mobirise

Jazarpena

Jarraikako jazarpena sarearen bitartez.

Mobirise

Mehatxu gehiago

Gainesposizioa, hater-ak, troll-ak, lintxamendua, identitatea ordeztea, ospea, informazioa

© Copyright 2019 Fundación Vital Fundazioa